AES Captum

AES Captum

apud Plin. l. 7. c. 28. ubi de Siccio Dentato, e Fisco aeris X. capti aeris XX. milibus; est aes captivum seu praedaticium, e praeda nimirum ac nondum in Aerarium publicum redactum: quod aes militibus ante triumphum solebant elargiri Imperatores, pro cuiusque dignitate ac meritis. Nempe duplex hîc Dentati praemium, et quod a Populo donatus ex Aerario decem milibus aeris et quod ab Imperatore suo viginti milibus. Vide Salmas. ad Solin. p. 48.